Walang kuryente
Ano ang iyong gagawin kung mawalan ng kuryete nang maraming araw. Paano ka makakakita, magluluto, magpapainit?
Maaaring maapektuhan ng kawalan ng kuryente ang mga makinang EFTPOS at ATM, kaya tiyaking may kaunti kang pera sa bahay, o sapat na mga suplay upang makaraos ka nang tatlong araw o mahigit pa.
Magkailaw
Ang iyong pang-emerhensyang mga suplay ay hindi kailangang nasa isang kit, ngunit maaaring kailangang hanapin mo ang mga ito sa dilim. Tiyaking alam ng lahat kung nasaan ang mga flashlight (torch) at baterya.
Alamin ang mga suplay na kailangan ninyo
Manatiling nakikinig
Magkaroon ng radyong pinapatakbo ng solar o baterya upang manatili kang up to date sa pinakabagong mga balita at babala. Alamin kung aling istasyon ng radyo ang pakikinggan para sa impormasyon sa oras ng emerhensya.
Alamin kung paano mananatiling may kaalaman
Mag-imbak
Mag-imbak ng pagkain na hindi na kailangang iluto (mainam ang de-lata) o magkaroon ng paglulutuan ng iyong pagkain (de-gas na barbecue o pang-kamping na kalan). Huwag kalimutan ang pagkain para sa mga sanggol at alagang hayop.
Unahin ang fridge
Kapag nawalan ng kuryente, unang kainin ang pagkain na nasa fridge, pagkatapos ay ang nasa freezer. Pagkatapos ay kainin ang pagkain na nasa inyong cupboard (paminggalan) o sa inyong pang-emerhensyang kit.
Magplano para sa iyong mga medikal na pangangailangan
Kung umaasa ka sa kuryente para sa mga medikal na dahilan, makipag-ugnayan sa iyong kumpanya ng kuryente upang magparehistro bilang isang konsyumer na umaasa sa paggamot (medically dependent). Hindi magagarantiyahan ang iyong suplay ng kuryente sa isang emerhensiya. Matutulungan ka ng iyong kumpanya ng kuryente na maglagay ng plano sa pagtugon sa emerhensiya upang alam mo kung ano ang gagawin kapag nawalan ng kuryente.
Tanungin ang iyong mga tagapagbigay/suplayer ng kagamitang pananatili ng buhay (life-sustaining equipment) kung paano ka makakakuha ng suporta mula sa kanila sa isang emerhensiya.
Kausapin ang iyong mga kapitbahay
Kausapin ang iyong mga kapitbahay kung ano ang gagawin nila kung mawalan ng kuryente. Maaaring malaman mo na mayroon silang de-gas na barbecue at ikaw ay may sapat na pagkain at tubig para mapagsaluhan (o ang kabaligtaran).
Kung ikaw o ang isang tao sa bahay ay umaasa sa kuryente upang mahadlangan ang malubhang pinsala sa kalusugan, ipaalam mo ito sa inyong kumpanya ng kuryente. Dapat ka nilang tulungang magparehistro bilang isang konsyumer na umaasa sa kuryente sa dahilang-medikal.
Alamin mula sa website ng Electricity Authority kung paano ka makakapaghanda para sa pagkawala ng kuryente kung umaasa ka sa kuryente para sa mga dahilang-medikal.
Pag-usapan ang tungkol sa mga epekto
Ang pag-unawa sa mga epekto ng isang emerhensya ay maaaring makatulong sa iyo na makaraos. Kausapin ang mga tao sa iyong sambahayan at alamin ang inyong gagawin sa mga sitwasyong ito.
