Walang telepono o internet

Ano ang gagawin mo kung mawawala ang mga linya ng telepono at internet? Paano ka makikipag-ugnayan, mag-aayos ng pakikipagkita o mananatiling may kaalaman sa mga balita at babala sa panahon?

Sa karamihan sa mga emerhensya, pinakamabuting manatili sa sarili mong bahay. Gawin ang iyong bahay na lugar ng pagkikita-kita at magkaroon ng alternatibong lugar sakaling hindi ka makapunta roon.

Magplano ng lugar ng tagpuan (meeting point)

Kausapin ang lahat ng mga kasama mo sa bahay tungkol sa kung paano kayo magtatawagan at kung saan kayo magkikita sa isang emerhensiya.

Kung ikaw ay may mga anak

Tiyaking alam mo ang mga pang-emerhensyang plano ng inyong paaralan o early childhood centre. Bigyan sila ng mga pangalan ng tatlong tao na maaaring sumundo sa mga bata kung hindi ka makarating doon.

Manatiling nakikinig

Magkaroon ng radyong pinapatakbo ng solar o baterya upang maging up to date ka sa pinakabagong mga balita at babala. Alamin kung aling istasyon ng radyo ang pakikinggan para sa impormasyon sa oras ng emerhensya.

Alamin kung paano mananatiling may kaalaman

Magkaroon ng listahan

Magtabi ng listahan ng mahahalagang numero ng telepono sa isang lugar na maa-access mo kung walang internet o hindi mo magamit ang sarili mong telepono.

Text o mensahe

Sa isang emerhensya, ang mga linya ng telepono ay mabilis na napupuno ang kapasidad. Panatilihing bukas ang mga linya upang ang mga tawag na pang-emerhensya ay makapasok at, kung kaya mo, gamitin ang text o magmensahe sa online upang manatiling nakikipag-ugnayan.