Kailangang lumikas

Sa isang emerhensya, ang ilang mga bahay, kalye, at kapitbahayan ay maaaring hindi ligtas para pamalagian at maaaring kailangan mong lumikas ng bahay nang madalian.

Kung pinalikas ang inyong kalye, saan ka pupunta? Ano ang dadalhin mo? Paano naman ang mga mga alaga at umaalalay na hayop? May mga kapitbahay ka ba na maaaring mangailangan ng iyong tulong? Gaano kalayo, katagal, at kabilis ka makakagalaw nang walang tulong ng iba?

Mag-impake ng grab bag

Maghanda ng grab bag para sa bawat tao sa inyong sambahayan. Dapat mayroon itong makakapal na damit, bote ng tubig, tsitsirya, mga kopya ng mahalagang mga dokumento, at ID na may larawan. Huwag kalimutan ang anumang mga gamot na maaaring kailanganin mo. Itabi ang iyong first aid kit, flashlight, radyo at mga baterya, mga kagamitang pang-mobility, at iba pang mahahalagang suplay sa isang lugar kung saan madali mong makukuha ang mga ito kung nagmamadali.

Alamin kung anong mga suplay ang kailangan mo.

Magpasya kung saan ka pupunta

Magpasya kung saan ka pupunta (at tiyaking alam ng lahat sa iyong sambahayan, sakaling hindi kayo lahat magkakasama). Ang iyong lugar sa paglikas ay malamang na kasama ang mga kaibigan o pamilya, kaya tiyaking alam nila ang iyong mga plano.

Tingnan ang inyong sona

Kung ikaw ay nakatira sa isang sona ng paglikas sa tsunami, tiyaking ang lugar na paglilikasan mo ay nasa labas ng sona.

Hanapin ang inyong sona sa paglikas sa tsunami

Magdesisyon kung paano ka lilikas

Maglakad, tumakbo, o magbisikleta kung kaya mo. Lalo na kung may tsunami. Ang pagmamaneho ay maaaring magdulot ng pagsisikip ng daloy ng trapiko at makapagpaantala sa mga serbisyong pang-emerhensiya at sa mga taong kailangang magmaneho upang makaligtas. Isipin kung aling paraan ng paglikas ang pinakamainam para sa iyo.

Magpraktis at ibahagi ang iyong plano sa paglikas

Mahalagang lumikha ng pinakamainam na plano sa paglikas na magagawa mo. Mas mabuti na may plano, kahit hindi ito perpekto, kaysa sa walang plano. Kung kailanganin mo ng tulong sa paglikas, maghanda ng nakasulat na mga tagubilin na maaaring kailangang malaman ng mga serbisyong pang-emerhensiya kung ikaw ay ililikas nila.

Magpraktis ng paglikas upang malaman mo kung ano ang posible at hindi posible. Ipaalam sa mga tao ang iyong plano sa paglikas. Lalo na kung umaasa ka sa kanila.

Huwag kalimutan ang iyong mga hayop

Kung kailangan mong lisanin ang bahay, isama mo ang iyong mga alaga at umaalalay na hayop. Kung hindi ligtas para sa iyo, hindi rin ligtas para sa kanila. Tiyaking ang lugar na paglilikasan mo ay tatangapin ang iyong mga alagang hayop. O magkaroon ng mga detalye ng contact para sa mga kennel, cattery at mga motel na tumatanggap ng alagang hayop.