Pangangalaga ng iyong pangkaisipang kagalingan

Iba’t ibang mga ahensya ay nagtutulungan upang mamahala ng mga emerhensya at panatilihing ligtas ang mga tao. Alamin kung sino ang gumagawa ng ano sa isang emerhensya.

Civil Defence Emergency Management Groups (Mga Grupong Namamahala ng Emerhensya sa Tanggulang Sibil)

Karamihan sa mga maliliit na emerhensya ay pinamamahalaan ng nauugnay na serbisyong pang-emerhensya. Halimbawa, ang Fire and Emergency New Zealand ang namamahala ng mga sunog sa gusali.

Ang New Zealand ay mayroon ding maliit-hanggang-katamtamang laki ng mga kaganapang sanhi ng likas na peligro gaya ng baha. Ang inyong lokal na council o Civil Defence Emergency Management Group ang namamahala ng mga ito. Ang mga Civil Defence Emergency Management Group ay binubuo ng mga council ng lungsod at distrito sa isang rehiyon.

May labing-anim na mga Civil Defence Emergency Management Group sa New Zealand.

Kung walang mga emerhensya, ang mga Civil Defence Emergency Management Group ay tumutulong sa pagbuo ng mas matatatag na mga komunidad. Kabilang dito ang:

• pagkilos upang mabawasan ang mga panganib at peligro na kinakaharap ng mga komunidad
• pagplano para sa mga pang-emerhensyang pagtugon, at
• pamumuno sa pagpapanumbalik sa dati makaraan ang isang mahalagang pangyayari.

Ang mga Civil Defence Emergency Management Group ay malapitang nakikipagtulungan sa:

• mga serbisyong pang-emerhensya
• mga kagawaran ng pamahalaan
• iwi
• mga tagapagbigay ng mahahalagang serbisyo gaya ng kuryente, komunikasyon, at gas; at
• iba pang tumutulong sa mga tao at komunidad sa mga pagtugong pang-emerhensya.

Bawat Civil Defence Emergency Management Group ay may isang Civil Defence Emergency Management Plan. Ang Plano ay dapat kabilangan ng:

• aling mga peligro at panganib ang pamamahalaan ng Civil Defence Emergency Management Group
• paano pamamahalaan ang mga ito, at
• maistratehiyang pagplano para sa pagpapanumbalik sa dati mula sa mga peligro at panganib.

Sitwasyong lokal na emerhensya

Ilang mga emerhensya ang nangangailangan ng karagdagang koordinasyon ng mga serbisyo. Sa kasong ito, maaaring magdeklara ng sitwasyong lokal na emerhensya (state of local emergency). Ang sitwasyong lokal na emerhensya ay nagbibigay sa nauugnay na Civil Defence Emergency Management Group ng natatanging kapangyarihan upang harapin ang emerhensya.

Sa isang sitwasyong lokal na emerhernsya, ang nauugnay na Civil Defence Emergency Management Group ang namamahala ng pagtugon sa emerhensya. Kinapapalooban ito ng:

• pakikipagkoordina sa ibang mga serbisyong pang-emerhensya
• pagtiyak na may makukuhang pansamantalang akomodasyon, pagkain at tubig
• pagtiyak na ang pag-access sa mapanganib na mga pook ay may wastong pagkontrol, at
• pagbibigay ng regular na mga mensahe ng impormasyon para sa publiko.

Ang mga Civil Defence Emergency Management Group ay maaari ring tumulong kung minsan kapag walang idineklarang sitwasyon ng emerhensya.

Pambansang estado ng emerhensiya

Para sa napakalalaking emerhensiya, maaaring magdeklara ang Ministro para sa Emergency Management and Recovery ng isang national state of emergency. Kapag nangyari ito, ang Direktor ng Civil Defence Emergency Management ang may hawak ng kontrol. Pinamamahalaan ng National Emergency Management Agency ang pagtugon.

Mga panahon ng transisyon

Ang mga panahon ng transisyon ay sumusuporta sa maayos na paglipat mula sa pagtugon sa emerhensiya patungo sa pagbangon mula sa isang pangyayaring emerhensiya. Maaaring mangyari ang mga panahon ng transisyon kahit na may naideklarang national state of emergency.

Ang mga panahon ng transisyon ay nagbibigay sa Civil Defence Emergency Management Groups ng mga espesyal na kapangyarihan upang makatulong sa mga unang bahagi ng pagbangon.

National Emergency Management Agency (Pambansang Ahensya sa Pamamahala ng Emerhensya)

Kung walang mga emerhensya, ang National Emergency Management Agency ay nagtataguyod ng mas mahusay na pagkaya sa mga kapahamakan. Pinangangasiwaan din nito ang sistema ng pamamahala sa emerhensya sa New Zealand. Tinitiyak nito na ang sistema ay gumagana ayon sa inaasahan at tinutukoy ang mga pagkakataon para sa pagbuti.

Sinusuportahan ng National Emergency Management Agency ang pang-lokal, pang-rehiyon at pambansang pag-unawa at koordinasyon. Kabilang dito ang sa mga pamahalaan, iwi, lokal na pamahalaan, at pribado at pangkomunidad na mga organisasyon.

Ang National Emergency Management Agency ay:

• tumutukoy sa mga peligro at panganib na may pambansang kahalagahan
• nagbibigay ng patnubay sa mga Civil Defence Emergency Management Group at sa iba pa tungkol sa pamamahala ng emerhensya, at
• sinusubaybayan ang pagsasagawa ng tungkulin ng mga Civil Defence Emergency Management Group. 

Mga Civil Defence Centre, mga sentrong pinangungunahan ng komunidad, at mga marae

Mga Civil Defence Centre

Ang mga Civil Defence Centre (CDC) ay nagbibigay ng ligtas na lugar sa mga lokal na komunidad kung saan maaaring pumunta ang mga tao para sa tulong sa panahon ng emerhensiya. Pinapatakbo ang mga ito ng mga tauhan at mga boluntaryo ng Civil Defence Emergency Management.

Sa isang emerhensiya, kung hindi ka maaaring manatili sa bahay o sa kapamilya o mga kaibigan, maaari kang lumikas patungo sa isang Civil Defence Centre. Ilang mga lugar sa New Zealand ay may listahan ng mga Civil Defence Centre sa kanilang website. Magbubukas naman ang iba ng gusali bilang Civil Defence Centre depende sa emerhensiya.

Sa ilang lugar sa New Zealand, ang Civil Defence Centre ay maaaring tawaging Welfare Centre o Community Emergency Centre.

Mga sentrong pinapalakad ng komunidad

Sa isang sentrong pinapalakad ng komunidad, maaari kang:

• Humingi at mag-alok ng tulong sa pamamagitan ng pagbabahagi ng mga kasanayan at mga rekurso sa inyong komunidad
• Magbahagi at maghanap ng impormasyon tungkol sa mga nangyayari sa inyong lugar
• Magsimulang mag-organisa ng paglilinis ng inyong komunidad.

Ang inyong sentro ay pinapatakbo ng mga tao sa inyong lokal na komunidad na walang opisyal na tulong. Walang nakaimbak na mga suplay, pagkain, tubig o kumot dahil ang mga ito ay kadalasang nasa sarili na ninyong mga tahanan at komunidad.

Ang mga sentrong pinangungunahan ng komunidad ay maaaring makipagtulungan sa Civil Defence Emergency Management Groups para sa payo at suporta bago at habang nangyayari ang emerhensiya.

Ang mga sentrong pinangungunahan ng komunidad ay maaaring mga lugar na tinukoy ng komunidad bago pa man magkaroon ng emerhensiya. O maaaring magbukas at magpatakbo ang mga komunidad ng isang sentrong pinangungunahan ng komunidad depende sa emerhensiya.

Ang ilang komunidad ay hindi gumagamit ng pisikal na gusali. Nagbibigay sila ng suporta sa pamamagitan ng mga network ng mga tao.

Depende kung saan ka nakatira, ang isang sentrong pinangungunahan ng komunidad ay maaaring tawaging:

• Community Hub,
• Community Emergency Hub,
• Community Response Hub,
• Manaaki Hub/Centre, o
• Sector Post.

Marae

Ang mga marae ay kadalasang mga lugar para sa pamilya (whānau) at sa mas malawak na komunidad upang magtipon sa mga panahong may pangangailangan. Minsan ang mga marae ay nagsisilbing mga sentrong pinangungunahan ng komunidad. 

May mahalagang papel sila sa isang emerhensiya. Nagsisilbi sila bilang mga pinagkakatiwalaang sentrong pangkomunidad, na nagbibigay ng mahahalagang serbisyo tulad ng:

• pagkain,
• tirahan, at
• pangangalaga para sa mga komunidad na Māori at sa mas malawak na publiko.

Nagbibigay ang mga marae ng suporta at kultural na kaligtasan sa pamamagitan ng pagpapahayag ng manaakitanga (pagiging mapagpatuloy) at Kotahitanga (pagkakaisa).