Gumawa ng plano para sa sambahayan kasama ang iyong pamilya upang makaraos. Isipin ang mga bagay na kailangan ninyo araw-araw at alamin ang gagawin kung wala kayo ng mga iyon.
Mayroon bang sinuman sa iyong sambahayan na kailangan ng tulong sa paglikas o habang na-istak sa bahay sa oras ng isang emerhensya? Mayroon bang sinumang umaasa sa mga kagamitan sa pagkilos o kagamitang medikal o iba pa? Mayroon bang sinumang umaasa sa mga gamot na nireseta? Mayroon ba siyang mga suplay na tatagal nang tatlong araw o mahigit pa o mga alternatibo kung mawalan ng kuryente?
Mayroon ka bang mga lampin, gatas, atbp na tatagal nang tatlong araw o mahigit pa kung sarado ang mga tindahan at kalsada? Mayroon ka bang mga suplay sa grab bag sakaling kailangan mo ring lumisan nang madalian?
Ang iyong mga hayop ay iyong responsibilidad. Tiyaking isali ang mga ito sa iyong planong pang-emerhensya. Mayroon ka bang pagkain at tubig na tatagal nang tatlong araw o mahigit pa? Mayroon ka bang mga kulungan o pambitbit ng hayop upang dalhin sila at panatilihin silang ligtas? Mayroon bang isang tao na kokolekta at mag-aalaga sa iyong mga hayop kung hindi ka makauwi?
Mayroon bang mga kaibigan, kapamilya o kapitbahay na maaaring mangailangan ng iyong tulong upang makaraos o lumikas sa isang emerhensya?