Disability assist dogs (Mga aso na tumutulong sa may kapansanan)
Ang mga Disability Assist Dog ay responsibilidad mo. Kailangang isali mo sila sa iyong pang-emerhensyang pagpaplano at paghahanda.
Kung ikaw ay may disability assist dog, gaya ng guide dog, ipa-certify ito sa isang awtorisadong organisasyon.
Bawat organisasyon ay nag-iisyu ng coat na may pangalan ng organisasyon para isuot sa aso. Mayroon ding identipikasyon para sa humahawak sa aso (handler). Makakatulong ito sa mabilis na pagsasama ninyong muli kung ikaw at ang iyong aso ay magkahiwalay.
Magplano para sa iyong aso. Magkaroon ng grab bag para sa iyong aso na may pagkain, mga gamot, rekord ng pagbabakuna, identipikasyon at tali.
Tiyaking kilala ng iyong aso ang mga tao sa iyong network ng suporta. Gagawin nitong mas madali para sa iyong aso na tumanggap ng pangangalaga mula sa ibang tao maliban sa iyo.
Humanap ng impormasyon tungkol sa mga disability assist dog sa website ng Department of Internal Affairs.
Payo para sa mga taong may kapansanan
Kung ikaw ay may kapansanan o anumang mga pangangailangan na naglalagay sa iyo sa mas malaking panganib sa isang emerhensya, humanap ng payo sa paghahanda.
