Dumapa, Sumuklob at Kumapit
Dumapa, Sumuklob at Kumapit ay tamang aksyon na magagawa kapag may lindol. Alamin kung paano isasagawa ang Dumapa, Sumuklob at Kumapit.
Sa pahinang ito
Dumapa, Sumuklob at Kumapit
Ang pinakamainam na bersyon ng Dumapa, Sumuklob at Kumapit ay ang bersyon na angkop para sa iyong katawan.
DUMAPA sa iyong mga kamay at tuhod o sa pinakamababang posisyon na kaya mo. Pinipigilan ka nitong mabuwal ngunit hinahayaan kang kumilos kung kinakailangan. Sumandal sa isang pader o matibay na kasangkapan kung hindi ka makadapa sa sahig.
SUKLUBAN ang iyong ulo at leeg (o ang iyong buong katawan kung maaari) sa ilalim ng isang matibay na mesa (kung ilang hakbang lang ang layo nito sa iyo). Kung walang malapit na sukluban, takpan ang iyong ulo at leeg ng iyong mga braso at kamay.
KUMAPIT sa sinukluban mo (o sa iyong posisyon upang protektahan ang iyong ulo at leeg) hanggang sa huminto ang pagyugyog. Kung niyuyugyog ng pagyanig ang iyong sinukluban, gumalaw ka nang naaayon dito.
Iba’t ibang paraan ng Dumapa, Sumuklob at Kumapit
Kung mayroon kang kapansanan sa pagkilos o gumagamit ng tungkod
Kung ikaw ay may kapansanan sa paggalaw o gumagamit ng tungkod, Dumapa, Sumuklob, at Kumapit o Umupo, Sumuklob, at Kumapit.
Dumapa sa pinakamababang posisyon na kaya mo o umupo sa upuan, sa gilid ng kama, o sa sofa.
Takpan ang iyong ulo at leeg gamit ang dalawang kamay. Ibaluktot ang iyong katawan sa iyong kandungan hangga’t kaya mo. Ito ay kapareho ng posisyong brace sa eroplano. Ilapit sa iyo ang iyong tungkod para magamit mo ito paghinto ng pagyanig.
Kumapit hanggang sa huminto ang pagyanig.
Kung ikaw ay gumagamit ng walker o wheelchair
Kung gumagamit ka ng walker o wheelchair, I-lock, Sumuklob, at Kumapit.
I-lock mo ang iyong mga gulong at yumuko nang pinakamababa hangga’t maaari.
Takpan ang iyong ulo at leeg gamit ang dalawang kamay kung kaya mo. Ibaluktot ang iyong katawan sa iyong kandungan hangga’t kaya mo. Ito ay kapareho ng posisyong brace sa eroplano.
Kumapit hanggang sa huminto ang pagyanig.
Kung ikaw ay nasa kama
Kung ikaw ay nasa kama, manatili sa kama ay italukbong sa iyo ang mga kumot at blangket at gamitin ang iyong unan upang protektahan ang iyong ulo at leeg.
Malamang na hindi ka mapinsala kung mananatili ka sa kama.
Kung ikaw ay nasa labas
Kung ikaw ay nasa labas, lumayo ka ng ilang hakbang mula sa mga gusali, puno, poste ng ilaw sa kalsada at mga poste ng linya ng kuryente, pagkatapos ay Dumapa, Sumuklob at Kumapit.
Kung ikaw ay nasa elebeytor
Kung ikaw ay nasa elebeytor, Dumapa, Sumuklob at Kumapit.
Kapag huminto na ang pagyugyog, sikaping lumabas sa pinakamalapit na palapag kung ligtas mong magagawa ito.
Kung ikaw ay nagmamaneho
Kung ikaw ay nagmamaneho, huminto sa tabi sa isang walang-sagabal na lokasyon. Huminto.
Maghintay doon na naka-seatbelt hanggang sa huminto ang pagyugyog.
Kapag huminto na ang pagyugyog, maingat na muling magmaneho at iwasan ang mga tulay o rampa dahil baka napinsala ang mga ito.
Sanayin ang iyong Dumapa, Sumuklob at Kumapit
Mahalagang sanayin ang tamang gagawin para alam mo kung ano ang dapat gawin kung magkaroon ng totoong lindol.
Karamihan sa mga pinsala at pagkamatay sa panahon ng lindol ay dulot ng mga bagay na bumabagsak sa mga tao kaysa sa pagguho ng mga gusali. Kailangan mong sanayin ang bersyon ng DUMAPA, SUMUKLOB AT KUMAPIT na angkop para sa iyo at gawin itong iyong agarang reaksyon kapag nagsimulang yumanig ang lupa.
Ang pinakamainam na bersyon ng Dumapa, Sumuklob at Kumapit ay ang bersyon na angkop para sa iyong katawan at iyong naisagawa na sa pagsasanay.
Sanayin ang iyong Dumapa, Sumuklob at Kumapit:
- Taun-taon bilang bahagi ng New Zealand ShakeOut
- Kapag tinitingnan mo ang iyong plano o mga suplay sa emerhensiya
- Sa mga regular na panahon sa buong taon tulad ng daylight savings.
Mga hindi na dapat paniwalaang impormasyon tungkol sa kaligtasan sa lindol
Makakakita ka ng iba pang impormasyon sa internet tungkol sa dapat gawin kung may lindol. Karamihan sa mga ito ay hindi na dapat paniwalaan, at hindi dapat sundin.
Ang mga pananaliksik mula sa Estados Unidos, Taiwan, Japan, at New Zealand ay sumusuporta at nagrerekomenda ng Dumapa, Sumuklob at Kumapit. Ang mga ito ay pawang mga lugar na may modernong mga code sa disenyo ng gusaling matibay sa lindol.
Mga mapagkukunan
Alamin kung bakit ang Dumapa, Sumuklob at Kumapit ang tamang aksyong gagawin kapag may lindol na nasa papel-kaalamang ito sa wikang Ingles.
Alamin ang gagawin kapag may lindol sa iba’t ibang senaryo. Panoorin sa wikang Ingles ang mga video tungkol sa kaligtasan sa lindol na ginawa ng Southern California Earthquake Center.
Dumapa, Sumuklob at Kumapit ay tamang aksyon na magagawa kapag may lindol. Panoorin sa wikang Ingles ang maikling video na ito upang malaman ang higit pa tungkol sa Dumapa Sumuklob at Kumapit.
I-download at ibahagi ang papel-kaalamang ito tungkol sa gagawin bago, habang at pagkatapos ng lindol.
Mga uri ng peligro
Sa New Zealand, marami tayong mga likas na peligro. Alamin ang gagawin bago, sa oras at makaraan ang bawat uri ng emerhensya.
