Pag-troubleshoot (Paglutas ng problema)

Maraming dahilan kung bakit hindi ka nakakatanggap ng Emergency Mobile Alert na mensahe. Hinihikayat namin ang lahat na sumalalay sa maraming iba't ibang paraan upang manatiling may kaalaman.

Tingnan kung ang iyong telepono ay may kakayahang tumanggap ng Emergency Mobile Alert. Maaaring nakasaad ito sa mga setting ng iyong telepono. Inaasahan namin na karamihan ng mga teleponong binili pagkatapos ng 2017 ay makakatanggap ng mga Emergency Mobile Alert.

Kailangan ding may cell reception at napapanahon ang software nito. Hindi mo kailangang mag-download ng app o mag-subscribe sa isang serbisyo.

Maaaring kabilang sa iba pang posibleng dahilan ng hindi pagtanggap ng alerto ay ang iyong telepono na:

• naka-off
• nasa flight mode
• wala sa saklaw ng cellular signal, o
• hindi konektado sa target na cell tower.

Kung ang iyong telepono ay lumipat mula sa 3G tungo sa 4G network sa oras ng pagbrodkast, tatanggap ka ng alert mula sa dalawang network. Ganyan din ang mangyayari kapag nag-on at off ka ng flight mode. O nag-off at on ka ng iyong telepono sa oras ng pagbrodkast.

Ang ilang telepono ay may opsyonal na alert reminder na naka-on. Maaari itong maging sanhi ng paulit-ulit na pag-alarma ng telepono habang nagbobrodkast. Kung ang iyong telepono ay may alert reminder, mahahanap mo ito sa mga setting ng iyong telepono. Ang mga setting ay maaaring tawaging Wireless Alerts, Broadcast Alerts, o Emergency Alerts.

Kung ikaw ay tumanggap ng Emergency Mobile Alert, maaaring makita mo pa rin ito sa iyong telepono.

Para sa mga Android phone

Bawat Android phone ay magkakaiba. Ngunit ang mga emergency alert ay karaniwang makikita sa iyong 'Messages' app.

Halimbawa, sa 'Google Messages' app: 

1. Pumunta sa Messages app
2. I-click ang iyong larawan sa profile sa kanang itaas.
3. Piliin ang 'Messages Settings' .
4. Piliin ang 'Advanced'.
5. Piliin ang 'Wireless emergency alerts'.

Para sa mga teleponong Apple

Para sa mga gumagamit ng iPhone, ang alert ay nasa iyong notifications. Maa-access mo ang iyong notifications sa pamamagitan ng pag-swipe down mula sa itaas ng iyong screen. Kung na-delete mo ang iyong notifications, madi-delete mo rin ang alert.

Ang Emergency Mobile Alert system ay batay sa internasyonal na istandard. Ang broadcast channel na aming ginagamit ay madalas tawaging Presidential Alert sa ibang bansa.

Nakipagtulungan kami sa mga tagagawa ng telepono at mga mobile network operator upang gamitin ang mga salitang Emergency Alert. Ngunit ang ilang mga telepono ay gagamit ng American standard at magpapakita ng Presidential Alert. Karaniwan itong nangyayari kung:

• binili mo ang iyong telepono bago ang 2017,
• binili mo ang iyong telepono sa ibang bansa, o
• parallel imported ang iyong telepono.

Ang kadaliang pag-access ng mga Emergency Mobile Alert ay depende sa yari at modelo ng iyong mobile phone. Kung mayroon kang hearing aid, maaaring i-set up ang alert upang dumaan sa iyong hearing aid.

Ang tunog na ginagamit para sa Emergency Mobile Alert ay batay sa internasyonal na pamantayan. Bagama’t maaari itong nakakatakot o nakakainis, pinili ito upang makuha ang iyong atensyon dahil hindi ito kaaya-aya sa pandinig ng tao.

Ang mga Emergency Mobile Alert, tulad ng iba pang mga alerto na natatanggap mo, ay maaaring patahimikin sa pamamagitan ng pag-click sa volume button sa iyong device. Kung pipindutin mo ang volume button kapag may dumating na Emergency Mobile Alert, mapapatahimik ang tunog. Mananatili ang mensahe sa screen upang mabasa nang buo.

Kung tutunog ang iyong mobile phone para sa isang alertong mensahe ay nakadepende sa brand at model ng iyong telepono. May mga telepono na hindi pwedeng i-override ng emergency alert ang silent mode nito.

Kung nagmamaneho ka, dapat kang huminto sa gilid ng kalsada at basahin kaagad ang mensahe kung ligtas na gawin ito. Kung ikaw ay may pasahero, hilingan siyang basahin kaagad ang alert. Huwag tangkaing basahin ang alert habang nagmamaneho.

Ang Emergency Mobile Alert ay dapat gumana sa mga pook na may cell reception. Halos 97% ng mga pook na may populasyon ay nakakakuha ng cell reception. Ang mga mobile service provider ay nakikipagtulungan upang pabutihin ang saklaw ng mobile sa lahat ng oras.

Gumagamit ang Emergency Mobile Alert ng cell reception at hindi nagbo-broadcast gamit ang Wi-fi calling.

Ang Emergency Mobile Alert ay gumagamit ng mga network para sa mobile phone sa New Zealand. Ang mga alert ay maaari lamang ibrodkast sa mga mobile phone na may kakayahang tumanggap ng mga ito.

Makakatanggap ka lang ng Emergency Mobile Alert kung mayroon kang mobile signal. Sa kasalukuyan, ang Starlink ay nagbibigay lamang ng koneksyon sa internet, hindi ng mobile signal. Nauunawaan namin na inaayos ng Starlink ang kakayahang satellite-to-mobile. May alam kaming isa pang satellite provider (Lynk World) na nagbibigay na nito ngayon.

Ang pagtanggap ng mga Emergency Mobile Alert ay libre. Wala kang babayaran. Hindi mo kailangang mag-download ng app o mag-subscribe sa isang serbisyo.