Pambuong bansang pagsusuri ng Emergency Mobile Alert
Ang pambuong bansang pagsusuri ng Emergency Mobile Alert system ay mahalagang bahagi ng pagtiyak na ang sistema ay gumagana nang mahusay. Hanapin ang mga resulta at impormasyon tungkol sa pambuong bansang mga pagsusuri.
Sa pahinang ito
Bakit namin sinusubukan ang Emergency Mobile Alert
Ang pambuong bansang pagsubok ay mahalagang bahagi ng pagtiyak na ang Emergency Mobile Alert system ay gumagana nang maayos.
Ang pambuong bansang pagsubok ay ipinapadala sa mga cell tower sa buong New Zealand. Inaasahan namin na karamihan ng mga telepono ay may kakayahang tumanggap ng alert. Ipinakita ng aming 2025 na survey tungkol sa pagkahanda sa emerhensiya na 92% ng mga tao ang nakatanggap ng pagsubok o kasama ang isang taong nakatanggap nito.
Sa nakalipas na anim na taon, nakatanggap kami ng libo-libong mga komento mula sa mga tao. Tumulong sa amin ang mga ito upang pabutihin ang Emergency Mobile Alert system.
Ang pinakahuling pambuong bansang pagsubok ay noong gabi ng ika-25 ng Mayo 2025. Dahil sa pandemyang COVID-19, nakansela ang mga pambuong bansang pagsubok ng Emergency Mobile Alert system noong 2020 at 2021.
Mag-subscribe sa email tungkol sa mga gagawing pambuong bansang pagsusuri ng Emergency Mobile Alert. Tatanggap ka ng email sa sandaling mapagpasyahan ang petsa para sa pagsusuri.
Mga resulta ng independiyenteng survey ng pambansang pagsubok
Makaraan ang 2018 at 2019 na pambuong bansang pagsubok, nagkomisyon ang Ministry of Civil Defence & Emergency Management ng isang independiyenteng survey.
Tiningnan ng mga survey ang:
- proporsyon ng populasyon na nakatanggap ng test alert,
- paunang kamalayan, at
- pagkaunawa ng publiko.
Makaraan ang 2021 at 2022 na pagsubok, isinali ng National Emergency Management Agency ang mga tanong sa Annual Disaster Preparedness survey para masukat ang tagumpay ng Emergency Mobile Alert test.
Mula noong 2018 na survey, lahat ng pangunahing sukatan ay bumuti. Siyam sa bawat sampung tao ang nakatatanggap ng alerto o malapit sa isang taong nakakatanggap nito.
Noong 2025, ipinakita ng survey na:
- 81% ang naniniwala na ang Emergency Mobile Alert ay epektibong paraan ng pag-aalerto sa mga taga-New Zealand tungkol sa isang emerhensiya.
- 81% ang naniniwala na hindi dapat makapili ang mga tao na mag-opt out.
Basahin sa wikang Ingles ang mga resulta ng survey para sa 2018 at 2019 na pambuong bansang pagsusuri ng Emergency Mobile Alert.
Emergency Mobile Alert
Ang mga Emergency Mobile Alert ay pinapanatiling ligtas ang mga tao. Ang mga alert ay ibinobrodkast sa lahat ng mga capable phone (may kakayahang telepono) mula sa tinarget na mga cell tower.
