Pribasya

Pangkalahatang pribasya ng website

Ang website ng New Zealand GetReady (ang “Site”) ay pinangangasiwaan ng National Emergency Management Agency na isang independiyenteng ahensya ng kagawaran na nasa ilalim ng Department of the Prime Minister and Cabinet (ang "Department"). Ang patakaran sa pribasya na ito ay nagpapabatid sa mga gumagamit ng Site kapag kami ay kumukulekta ng personal na impormasyon at kung ano ang gagawin namin sa mga ito.

Ikaw ay maaaring mag-browse at um-access ng impormasyong taglay ng website na ito nang hindi ka magbibigay ng anumang personal na impormasyon.

Kung magbibigay ka sa amin ng impormasyon (kabilang ang personal na impormasyon) (halimbawa, sa pamamagitan ng mga form sa online), gagamitin lamang namin ang impormasyong ito: 

• upang pangasiwaan, tasahin, pabutihin, at bigyang seguridad ang aming mga ICT system, ang aming website, at ang impormasyong nasa aming website (mga layunin ng ICT at website)
• upang pabutihin ang aming mga serbisyo
• upang aksyunan o tumugon sa ibinigay na impormasyon at makipagkomunikasyon sa iyo
• kung ang naturang pagsisiwalat ay hinihingi o pinapahintulutan ng batas
• ayon sa nakasaad sa anumang partikular na mga takda at kondisyon (halimbawa, mga takda at kondisyon para sa mga kumpetisyon gaya ng Get Ready challenge). 

Pananatilihin naming ligtas ang ganitong impormasyon at maaari itong ibahagi sa ikatlong mga partido kung kinakailangan para sa mga serbisyong kanilang ibinibigay sa amin kaugnay sa mga layunin ng ICT at website.

May software kami upang subaybayan kung anong mga page ang binisita upang matukoy ang pinaka-popular na lugar sa aming website. Ang impormasyon ay pinagsasama-sama at hindi namin maaaring tukuyin ang mga indibidwal na bisita.

Ang personal na impormasyong nakolekta ng National Emergency Management Agency para sa layunin ng isang Kumpetisyon ay gagamitin lamang kaugnay sa Kumpetisyong iyon o ayon sa nakasaad sa Mga Takda at Kondisyon ng Kumpetisyon.

Ikaw ay may karapatang humiling ng kopya ng anumang personal na impormasyon na hawak namin tungkol sa iyo, at humiling na itama ito kung sa palagay mo ay mali ito.

Kung ikaw ay may anumang mga alalahanin tungkol sa personal na impormasyong hawak namin, mangyaring mag-email sa information@dpmc.govt.nz o sumulat sa: 

The Privacy Officer
Department of the Prime Minister and Cabinet
Parliament Buildings
Wellington